Key Organizer - DIY

الأدوات:

- صندوق خشبي.

- منشار.

- علب تونة نظيقة و معقمة - كوني حريصة انه ما في اي طرف بارز أو يجرح - .

- ألوان أكريلك أو بخاخ بوية.

- غراء مسدس.
- حامل أو مسمار عشان تتعلق على الجدار.

- دبابيس جدار.
- حبل.

خطوات العمل:

في البداية كان شكل الصندوق زي كدا.

1) نشيل الطرف العلوي من الصندوق بحيث يكون الصندوق بثلاث جدران.

احتفظي بالجزء العلوي لانو حنستخدمه لاحقا.

2) نفتح فتحتين، فتحة من الطرف اليمين و فتحة من الطرف اليسار. الفتحات تكون بعرض الحبل يعني لو الحبل نحيف حتكون صغيرة بينما لو الحبل عريض حتكون كبيرة.

3) اصبغي علب التونة باللون اللي تفضليه - اختياري كان اللون الأبيض -.

و الان تقريبا كل شيء جاهز باقي التطبيق.

4) ثبتي الدبابيس بحيث تكون علاقات لمفاتيح البيت و السيارة.

5)  ثبتي الجزء العلوي بشكل مائل باستخدام الغراء المسدس بحيث يكون رف صغير، زي اللي في الصور.

6) ادخلي الحبل من الفتحات الجانبية - من الخارج الى الداخل - و اربطي عقدة من الداخل.

7) ثبتي علب التونة اللي لونتيها.

و الان علقيها على الجدار و رتبي اغراضك فيها، حلو يكون مكانها جنب باب الشقة بحيث يكون أخد الاشياء و ترجيعها أسهل وقت الدخول و الخروج.

طريقة ترتيب الأغراض:

- الرف المائل: حطيت الرسائل البريدية، و فواتير الكهرباء. 
- المسامير: علقت مفتاح البيت و مفتاح السيارة.
- علب التونة: حطيت المحفظة و بطاقات العضويات تبع السوبر ماركت و الماركات.

الشكل النهائي

المنظم جدا عملي و يجلس معاكي فترة طويلة.

~~~ دمتم بود ~~~