توزيعات العيد للأطفال بطريقة بسيطة و إبداعية
أحلى ما في العيد هي فرحة الأطفال وقت استلام العيدية و التوزيعات. و لكن مؤخرا صارت أسعار التوزيعات نوعا ما مبالغ فيها فاضطر الكثير انه يسويها بنفسه *و أنا منهم 😄* و خطرت على بالي فكرة ابداعية و خارجة عن المؤلوف و قررت اسويها و اللي هيا (Candy House) أو بيت الحلويات.
أكتر شيء عجبني في هالفكرة أنك غير متقيدة بعدد معين، اذا خلصت الحلويات كل اللي تحتاجيه هو انك تفتحي اكياس الحلويات و تعبي الصينية. بالإضافة بانها فكرة حلوة و غير مكلفة ماديا.
بعض الأدوات اشتريتها من موقع Ali Express و اللي هيا مجسم بيت الحلويات و هو عبارة عن تركيبات (Lego) و علب تكون على شكل حلويات. أما باقي الأدوات كانت من قرطاسية في الحي. لو حابة تطبيق هالفكرة فأفضل أنك تجهزي الأشياء الأساسية من بدري بحيث تطلبي المكعبات و العلب قبل بأربع أشهرعشان تضمني أنها توصل لك بدري. و أيضا تركيب بيت الحلويات ياخد وقت و يحتاج تركيز و بال فاضي، فالأفضل أنه تركبيه قبل رمضان و تخبيه في مكان مغلق حتى ما يتغبر وبعيد عن الأطفال عشان لا يكسروه. و لو كان عندك أطفال أكبر من 10 سنوات جدا حتنبسطوا و أنتو تركبوه سوا، و بكذا حتكوني ضربتي عصفورين بحجر (قضيتي وقت مع أطفالك في شيء مفيد و جهزتوا توزيعات العيد).
من وجهة نظري أنه علب الحلويات ما كان لها لزمة و انما هي شي زائد و لكن ما أدركت هالشيء إلا متأخر و أنا جالسة أرتب الحلويات قبل العيد بيوم. فاللي مو حابب يشتريها، شكل التوزيعات النهائي ما حيتأثر أبدا.
الأدوات:
- فلين زهري.
- مشرط.
- غراء مسدس.
- حلويات العيد.
- بعض العلب اللي تكون على شكل حلويات (اختياري).
عبيتها ب m&ms و Skittles هنا
عبيتها ب ميني Snickers و Twix هنا
خطوات العمل:
1 - أول شيء ركبت بيت الحلويات و هالخطوة أخدت مني أيام و خلصتها على عدة جلسات لأنو لازم تكوني دقيقة جدا في العمل و ما تنتهي من أي خطوة إلا و انتي 100% متأكدة أنها صحيحة عشان تكون النتيجة مرضية.
2 - قصيت خمس قطع من الفلين و ابعادهم كالأتي: (قطعتين 45 سم * 3.50 سم) و (قطعتين 30 سم * 3.50 سم) و (القاعدة 45 سم * 30 سم)
3 - باستخدام غراء المسدس ثبتت الأطراف على القاعدة بحيث يكون الشكل النهائي صينية وردي.
4 - ثبتت بيت الحلويات بغراء المسدس داخل الصينية على أحد الأضلاع الطويلة.
5 - حطيت علب الحلويات و وزعت باقي الحلويات بشكل عشوائي لين ما حسيت أنه الصينية امتلئت حلويات.
بعد ما انتهاينا من العمل الأساسي، نجي لطريقة تغليف العيديات. ما حبيت انه تكون بظرف عادي زي دائما و في نفس الوقت حبيت أنه تكون مناسبة للثيم. جاتني فكرة طريقتها جدا بسيطة و سهلة.
الأدوات:
- طابعة تطبع ملون.
- أعواد ايس كريم.
- غراء ورق.
- و اخيرا العيديات.
خطوات العمل:
1 - جمعت صور أيس كريم من الانترنت و رتبتها في ملف ورد و طبعتها على عدد أطفال العائلة و أضفت كم وحدة زيادة، ممكن تطبعي ملف الPDF من هنا، أو لو حابة تعدلي على الملف بامكانك التعديل على ملف الWord من هنا. أو ممكن تختاري أنتي بنفسك الصور اللي تعجبك.
2 - بعد ما تطبعي الصور حتلاحظي أنه كل صورة في منها نسختين (أو بمعنى أخر كل صورة في لها صورة نفسها بس معكوسة). كل صورة و أختها خديها و لصيقيهم من بعض من ثلاث جهات و اللي هيا الأطراف و القاعدة |_| بحيث تكون فتحة الظرف من فوق.
3 - أكتبي أسماء الأطفال على أعواد الأيس كريم و دخليها في الظرف.
4 - عبي الأظرف بالعيديات و بكذا نكون خلصنا.
حطيت أظرف العيديات في أحد أركان الصينية و بكذا نكون انتهينا من تجهيز توزيعات العيد.
و هذه أول صورة صورتها للعمل أول ما انتهيت من العمل
كانت الغرفة ظلام لأنو بنتي نايمة ليلة العيد.
معايدة أهل السناب
النتيجة النهائية
~ ~ عيدكم مبارك و دمتم بود ~ ~
تعليقات
إرسال تعليق