كيف تحولي فاتورة المشتريات الى دولارات

اليوم حابة اتكلم عن تطبيق  اسمه ibotta مفيد جدا للمبتعثين في امريكا و اتوقع في كندا بس مو متأكدة. فكرة التطبيق انك تصوري فواتير المشتريات اللي اشتريتيها مقابل مبلغ مالي يدخل حسابك كاش. التطبيق فيه فئات مختلفة للمحلات و السوبر ماركت بانواعها. فالمستخدم يختار السوبر ماركت و البضاعة اللي اشتراها و يصور الفاتورة مقابل مبلغ مالي بسيط. الفئات مرة كتيرة و كل فئة تحتها عدة خيارات فمثلا فيه امازون و اوبر و كرسبي كريم و بيست باي و غيرها من المطاعم و التطبيقات. و هذه بعض الصور للمحلات المتاحة:

موجود على App store على الرابط

https://itunes.apple.com/us/app/ibotta-cash-back-app-grocery-coupons-shopping/id559887125?mt=8

و برضو موجود على play store على الرابط

https://play.google.com/store/apps/details?id=com.ibotta.android&hl=ar

طريقة التسجيل : 

جدا بسيطة و سهلة زيها زي اي تطبيق تاني فقط اتبعوا التعليمات اللي مطلوبة لكن يا ريت تضيفوا هالكلمة kqbiyvp

في اخر خانة من الخانات و اللي اسمها (Referral code (optional و التوضيح في الصورة:

بعد ما تسجلي و تصوري اول فاتورة لك حيكون لك ١٠$ هدية من التطبيق نفسه زي مو موضح اول ما تفتحي التطبيق:

طريقة استخدام التطبيق:

مثلا انا رحت CVs و اشتريت شوكولاته .. لمن ارجع البيت 

1) افتح تطبيق ibotta

2) اختار grocery 

3) منها اختار CVs و ابحث لو الشوكولاته اللي انا اخترتها موجودة من ضمن البضاعة المعروضة 

4) لو كانت معىوضة اعمل لها unblock

5) اختارها و اعمل redeem 

6) بعدين اصور الفاتورة و اعمل scan للبار كود تبع المنتج. 

و هذا الفيديو :

https://www.youtube.com/watch?v=OIOcUq6QrsM&t=8s

و بعدها حتكون pending زي اللي موضح في الصورة، الى ان فريق العمل يتاكد من الفاتورة و صحتها و بعدها حينضاف لحسابك المبلغ كاش.

في حال تم تجميع 20 دولار في حسابك فبعدها تقدري تحوليها لحساب ال paypal او venmo او حتى تقدري تختاري gift card للمحل اللي انتي تحبيه زي مثلا اوبر، تارقت، امازون، بيست باي، ستاربكس و غيرها كتير. 

روحي ل Account -> Withdraw Cash و بعدها اختاري كيف تبغي فلوسك.

أنا حأختار paypal علما بأنه عندي حساب paypal من قبل و منه أحول الفلوس لبطاقتي.

حيطلب منك تأكيد رقم الجوال.

و بعدها أنتي حتختاري المبلغ اللي تحوليه لحسابك، أنا حأحوله كامل.

و بكدا المبلغ حيكون اتحول لحسابك تقدري تدخلي تطبيق pay pal و تتأكدي.

أيضا فيه شيء اسمه ibotta bonuses فمثلا في الشهر الفلاني لو اشتريتي من المطعم الفلاني لك اكسترا ٢$ او لو ركبتي اوبر تلات مرات لك اكسترا ٥$ و غيرها من العروض الخاصة لفترة معينة . و هذه صورة لعروض هالشهر:

ملاحطة اخيرة: اذا تبغي تشتري عن طريق التطبيقات، ادخلي للتطبيق عن طريق ibotta حتى يجيك ال cashback.

التطبيق جدا واسع و متنوع لو اشرح ما رح اخلص اليوم.

 حملوه و تصفحوه، في اول شهر حيكون صعب انه تفتكري

 تصوير الفواتير بس بعدها حيصير اجراء روتيني و ما حيتعبك.

🌸🌸🌸🌸🌸

~~ و دمتم بود .. في أمان الله ~~