تغليف هدية تخرج بطريقة مبتكرة
في الفترة الاخيرة كتير من حسابات الانستقرام كان تخصصهم تغليف هدايا و بافكارجميلة جدا و ابداعية .. اتخرجت وحدة من صحباتي من الماستر و قررت انا و اخوات الغربة نسوي لها مفاجئة بشكل ابداعي غير عن كل المفاجئات اللي سويناها قبل مع غيرها من صحباتنا اللي اتخرجوا ..فكرتي اخدتها من احد الحسابات بس لانو في بلد ابتعاث و لا نقدر نوصي عليها قررت اني اطبقها بادوات بدائية و بسيطة و أشوف نتيجة هالتجربة ..
اول حاجة اخترت الثيم حق الشغل يكون ابيض و اسود لاني احسه انسب شيء لمناسبة التخرج و لونين فخمة ..
الأدوات :
- كرتون بحجم مناسب لهديتك .
- تجليد كتب اسود سادة .
- شريطة بيضاء ساتان .
- ورقة مطبوع عليها شعار او تصميم او اسم اللي حتهديها .
- بلونات بالوان التجليد و الشريطة .
- اوراق اللي تنحط تحت الهدية في قاع الكرتون أقصد هذا هنا.
- و الهدية .
- كرتون بحجم مناسب لهديتك .
- تجليد كتب اسود سادة .
- شريطة بيضاء ساتان .
- ورقة مطبوع عليها شعار او تصميم او اسم اللي حتهديها .
- بلونات بالوان التجليد و الشريطة .
- اوراق اللي تنحط تحت الهدية في قاع الكرتون أقصد هذا هنا.
- و الهدية .
طريقة التغليف :
- نلصق اطراف قاعدة الكرتون مع بعضها لبعض أنا ما احتجت اني اطبق هالخطوة لأنو قاعدة الكرتون اللي استخدمته كانت ملصقة جاهزة .
- نقص اطراف الكرتون بحيث نحصل على شكل ( + ) .
- نلصق اطراف قاعدة الكرتون مع بعضها لبعض أنا ما احتجت اني اطبق هالخطوة لأنو قاعدة الكرتون اللي استخدمته كانت ملصقة جاهزة .
- نقص اطراف الكرتون بحيث نحصل على شكل ( + ) .
- نجلد الكرتون بتجليد الكتب نبدا بالتجليد من برا و بعدين نجلد من جوا بحيث يصير بهالشكل .
- انفخي البلونات باحجام وسط و اختاري عدد البلونات اللي يناسب حجم كرتونك و كان عدد بالوناتي خمسة بالونات و حبيت حجمها و عددها .
- بما انه كان الوقت ضيق عندي و
وقت التوصيل متاخر بالنسبة لي ، فكرت انه اقصقص صفحة من جريدة قصاصات نحيفة طويلة مع ورقة A4 بيضاء عادية كبديل للأوراق اللي تنحط تحت الهدية في قاع الكرتون.
- علبة الهدية سودا
فكان مناسب اذا ربطتها بشريطة بيضاء و اذا كانت علبه هديته بيضاء استخدمي اللون
التاني.
- حطيت قصاصات الجريدة و
فوقها الهدية و بعدين حطيت البلونات .
- قفلت الكرتون و ربطه
بالشريطة الساتان بس في هذه المرحلة احتجت انه احد يساعدني لانو صعب امسك اطراف
الكرتون و اربط الشريطة في نفس الوقت.
- اخر شيء حطيت الشعار على احد اوجه الكرتون الجانبية.
ملاحظات :
- بعد ما سويت الشغل و الحمد لله كان جدا جميل و مرتب في ناس نصحوني انه لو اخترت اسود مع لون تاني بس يكون فاتح زي خربزي أو تفاحي فاتح حيكون احلى.
- كان نفسي اعبي البلونات بغاز الهيليوم بحيث لو فتحتي الكرتون تطير بس كان التانكي كبير فلو اشتريه حيكون بس عشان خمسة بلونات.
- كان نفسي اضيف الى جانب البالونات الصغيرة العادية بالونه هيليوم على شكل قبعة تخرج بس حجم كرتوني اصغر من حجم البالونه.
- اخر شيء حطيت الشعار على احد اوجه الكرتون الجانبية.
ملاحظات :
- بعد ما سويت الشغل و الحمد لله كان جدا جميل و مرتب في ناس نصحوني انه لو اخترت اسود مع لون تاني بس يكون فاتح زي خربزي أو تفاحي فاتح حيكون احلى.
- كان نفسي اعبي البلونات بغاز الهيليوم بحيث لو فتحتي الكرتون تطير بس كان التانكي كبير فلو اشتريه حيكون بس عشان خمسة بلونات.
- كان نفسي اضيف الى جانب البالونات الصغيرة العادية بالونه هيليوم على شكل قبعة تخرج بس حجم كرتوني اصغر من حجم البالونه.
الشكل النهائي للهدية بعد فتح العلبة :
تعليقات
إرسال تعليق