Window Seat - DIY
مقعد النافذة من احب المشاريع اللي سويتها و استمتعت بعملها. في الوهلة الأولى ممكن يعطي انطباع للشخص انه هالشي صعب و مو سهل انه الواحد يسويه بنفسه، لكن الموضوع ابسط من كدا بكتير. أول ما استلمت البيت لفت نظري المساحة اللي على الشباك و انها كبيرة نوعا ما و شكلها مو حلو لو تركتها فاضية. و لو اخترت انه ارتب عليها مزهريات حتغطي على الشباك و حيكون تنظيفها من الغبار متعب. فاخترت اني اسوي مقعد في هالمساحة. سبق و كنت شايفة صور في موقع بنترست عنها لكن ما جا في بالي أنه في يوم من الأيام حاسويها. الشكل قبل الأدوات : لوح خشبي بطول و عرض المساحة المطلوبة، بسبب أنه مقعدي كان جدا طويل فكان عندي خيارين إما أخد اقصر من الطول المطلوب ب 9 انش أو أنه اخد لوحين و المقعد يكون من جزئين. أخترت الخيار الأول و فكرت بعدها كيف أستغل المساحة الصغيرة. اسفنج للمقاعد بنفس حجم الخشب. هنا قماش أبيض للبطانة. قماش خارجي، اختاري على حسب تصميم المكان. أخترت انه يكون فرو بيعطي احساس بالدفء و خاصة في فصل الشتاء. مشرط. دباسة خشب. خطوات العمل : أول شيء نصنف...